RSS Feed

Posts Tagged ‘galego’

  1. Moito máis que un traballo

    diciembre 28, 2012 by sergio

    As compañeiras do grupo de comunicación de Enxeñería Sen Fronteiras Galicia estiveron a currarse unha memoria super-chula de actividades da asociación 2011-2012 e ás persoas contratadas tivemos que contestar a unhas preguntiñas que, buf, daban que pensar… Aquí vos deixo algunha das miñas respostas!!

    Por que traballas en cooperación para o desenvolvemento?
    Porque, tras ser voluntario uns anos, decidín que pagaba a pena adicar todo o tempo posible a facilitar procesos transformadores que teñen que ver coa cidadanía global, solidariedade fronte a competitividade, pensamento crítico fronte a consumo de masas e responsabilidade cidadá, todo iso sen perder de vista a miña formación técnica. Un xeito de adicar moito tempo a isto é que che paguen por iso, porque é tempo a maiores do tempo libre…

    Por que traballas en ESF?
    ESF foi o meu primeiro contacto coa cooperación para o desenvolvemento, onde comecei como voluntario e onde sempre desenvolvín o meu labor tamén como liberado, tanto en proxectos internacionais como actualmente como técnico de proxectos en Galicia. Síntome moi a gusto na asociación tanto polo fin que se persegue como polo xeito de buscalo, xa que eu valoro moito a coherencia nas institucións. Ademais o feito de “ser da casa” fai que dende o principio me sentira moi involucrado no desenvolvemento e traxectoria da organización.

    Cal debería ser e cal é o papel do persoal contratado en ESF?
    O papel que na miña opinión debería desempeñar unha persoa contratada en calqueira asociación de desenvolvemento baseada no voluntariado transformador o tratei de reflexar no seu día en 10 puntos, dos cais quédomoe especialmente co de facilitador de procesos como apoio dos grupos de voluntariado, así como para o aseguramento dunha calidade mínima na interlocución e rendición de contas (especialmente a financiadores externos á asociación).

    Valoración xeral do traballo

    ESF é moito máis que un traballo, que ademais me permite canalizar o meu interese pola innovación e a economía social

    Category Cooperación para el Desarrollo (más que un trabajo) | Tags: , | 1 Comment

  2. Blog action day 2012: o Poder de Nós!

    octubre 15, 2012 by sergio

    Este ano o Blog Action Day ten o tema «The Power of We«. Un tema que suxire a comunidade, o traballo colaborativo, a cooperación e que en Galicia o deberíamos ter aínda máis claro porque tivemos un grupo ou xeneración que se chamou así e chegaron á interesante conclusión de que só se pode ser universal partindo do propio.

    Todos os mencionados son, na miña opinión, valores positivos en si mesmos (polo que de desenvolvemento de outros valores como a escoita activa, asertividade, traballo en equipa e empatía teñen incluidos), pero que se por riba aplícanse co obxectivo é acadar un mundo máis xusto, equitativo e solidario, convértense nunha auténtica «máquina do cambio». Por iso eu síntome tan a gusto en Enxeñería Sen Fronteiras Galicia, a piques xa de celebrar o meu 15 aniversario dende que «son ESF», nalgún momento entre outubro de 2012 e febreiro de 2013, tras decidirme a asistir á miña primeira reunión na sede de Lugo. 2 anos levaba buscando o momento (coleccionando a revista O EStarivel e seguindo as actividades que ían organizando) até que, nun ano extrano onde estaba a facer o proxecto fin de carreira de Enxeñería Forestal, decidinme. Dende aquela, cun paréntesis de 2 anos coincidindo co baixón da sede de Lugo e até finais de 2007, cando fun contratado pola asociación, ESF ten sido, sen dúbida, a miña escola máis importante (só despois da miña casa), onde puiden canalizar o afán de traballar con outra xente para mellorar as cousas sendo protagonistas e responsables das accións a realizar e, xa contratado, liberar as miñas ansias persoais de traballar cun enfoque de  «emprendemento social«.

    Despois de todo este tempo, aínda séndome complicado explicar que é exactamente ESF, penso que se aproxima a unha comunidade educativa colectiva, aberta e autoxestionada onde, con vocación cosmopolita e un obxectivo de transformación social cara unha sociedade xusta e equitativa e unha especialización no eido da tecnoloxía para o desenvolvemento humano (que permite levar ese desexo de cambio social a ámbitos onde tradicionalmente é difícil chegar como son os relacionados coa tecnoloxía ou a enxeñería), calqueira que quera «ser ESF» (o «ser» unha asociación fronte ao «estar» nunha asociación) pode introducir temas que lle preocupen para que se «dixiran» e se integren (ou non) no imaxinario da asociación. Isto debería server para mudar paradigmas de vida tanto aquí coma nos países onde ESF traballa, pero o propio proceso de «dixestión» ten un valor transformador en si mesmo.

    Algúns exemplos de temáticas integradas son software libre, soberanía alimentaria, consumo responsable e máis recentemente o feminismo. Segue sendo unha organización de persoas e  cada unha ten os seus temas «liña vermella», pero tampouco se pode pedir que logo todo o mundo sexa coherente con todo ao 100% desde o minuto un (cada un «ten o seu libro»). Isto é unha das cousas que máis me divirte en ESF, que cada un aporta as súas partes máis coherentes ou «liña vermella» e se trata de que o resto as vaia coñecendo e asumindo pouco a pouco (ou non), ao seu ritmo (o que, que dúbida cabe, pode causar tensións porque hai persoas que non van asumir como prioritarios certos temas que para outras si o son, pero a tolerancia é parte da aprendizaxe). Todo isto, sumado á vocación educativa consciente de ESF nos tres eidos da educación (formal, non formal e informal), dame que o ano que ven, cando en ESF Galicia celebremos o 20 aniversario, celebremos tamén o ter promovido unha «xeneración Nós» no eido da tecnoloxía para o desenvolvemento humano).

    O PODER DE NÓS————-EL PODER DE NOSOTROS————THE POWER OF WE

    Category El sofá de la sala (pensamientos y tertulias...) | Tags: ,,, | 3 Comments

  3. Programas dos partidos 21O

    octubre 3, 2012 by sergio

    Lo máximo que he podido hacer de la idea del otro día sobre un portal para comparar programas políticos es, de cara a las elecciones gallegas, poner aquí los enlaces a programas de varios partidos y  a Horizonte Galicia, una interesante aplicación que ayuda a descubrir el posicionamiento político con respecto a los principales partidos que se presentan a estas elecciones del 21O. En 15 minutillos tendrás un completo informe solo contestando a unas cuantas preguntas.

     

    Y de regalo las direcciones de twitter de algunos por si os apetece preguntarles cosillas ;DDD

    @ppdegalicia @PSdeG @obloque @AlternativaGZ @Compromiso_xGal @UPyDGalicia

    Category Lo que se ve (y se grita) al abrir la ventana | Tags: , | 1 Comment

  4. Adeus ríos, adeus fontes…

    mayo 17, 2012 by sergio

    Neste día das letras galegas, aquí deixo algo que un día quixo sairme, humilde homenaxe á miña poetisa preferida, Rosalía (sede benévolos nas críticas ;-D)

     

    Óeme ti, límpido ar
    que cando te anoxas es ruxinte vento
    Anóxate pois! e vén levar
    ben lonxe meu penar e meu lamento

    Vellos carballos que sabedes escoitar
    se o ar o meu laio vos confía
    deixade pronto de entre as verdes follas escapar
    a miña grande tristura e agonía

    Mar burlón tamén a ti che pido,
    mentres teus dentes na miña pel remexen,
    custodia a miña rabia e desvarío
    como a botella á mensaxe nas correntes

    Paxaro que do ar e as follas es veciño
    alegre no solpor cantas teu son
    non gardes o meu sufrimento no teu niño
    non paga a pena telo ao teu carón

    Nube, a imaxinación deixarei que che acompañe
    pero hoxe un favor eu necesito
    é sinxelo, só que as túas bágoas limpen e calmen
    a negrura e a dor do meu destino

    Non llo digas, Lúa branca! Non llo comentes
    ao Sol no amencer aínda sendo o confidente,
    todo o que dende o ceo tí albiscaches
    da miña probe ialma inválida e doente

    Ela marchou deixándome baleiro e vacilante
    no meu espírito pronto xurdiu esa amargura
    que só ti, tempo, ti que todo o curas!
    poderás consolar, se es miña amante

    Category Biblioteca, El sofá de la sala (pensamientos y tertulias...) | Tags: ,, | 1 Comment

  5. Hoxe é o día do voluntariado, felicidades a todas as persoas voluntarias…

    diciembre 5, 2011 by sergio

    …que dirían no mítico programa Telegato. Tras unha temporadiña de tranquilidade na Cova, quixen neste Día do Voluntariado facer unha pequena homenaxe ás persoas que fan voluntariado de desenvolvemento (polo demais, bastante invisibilizado dentro doutros tipos de voluntariado como o social ou o ambiental). E non me refiro tanto ao máis coñecido deste descoñecido voluntariado, como poderían ser vacacións solidarias ou calquer outro tipo de estancias en países empobrecidos aínda que sexan cunha lóxica máis mediopracista e de Educación para o Desenvolvemento como o Programa de Coñecemento da Realidade de Enxeñería Sen Fronteiras. Refírome as persoas que traballan dende aquí, dende a súa vida normal, como voluntarias en ONGD.

    Nunca deixo de sorprenderme cando vexo á xente que me rodea no meu traballo (polo que eu si cobro) meténdose atracóns cando toca algunha actividade, ou saíndo de currar ou de clase e meténdose en reunións para lograr colaborar unha miguiña en que se avance cara a igualdade de oportunidades de desenvolvemento e de loita polos dereitos humanos básicos e por definir o propio desenvolvemento por parte das persoas e os pobos. Ese sentimento de solidariedade universal contribúe a unha verdadeira Educación para a Cidadanía Global. Penso que xa só esta actitude é bo en si mesma. Iso si, na laboura de transformación social tamén penso que son importantes as formas e xeitos de traballo destas persoas voluntarias, con actividades que faciliten a participación dos axentes e os enfoques de fortalecemento local e dereitos humanos, así como non asistencialismo e a transmisión das mensaxes sen vulnerar a dignidade humana que prolonguen a visión de caridade mal entendida (tanto nos países empobrecidos como no noso entorno). Promoción do pensamento crítico e voluntariado responsable e finalista (tratando de que a persoa se implique no propio devenir da asociación e grupo de traballo máis aló da actividade puntual en si) son conceptos chave para este xeito de entender o voluntariado.

     

    Category Cooperación para el Desarrollo (más que un trabajo) | Tags: , | 1 Comment

  6. Blog action day 2011. A Alimentación.

    octubre 16, 2011 by sergio

    Hoxe, Día Mundial da Alimentación, era normal que o Blog Action Day tratara de chamar a atención sobre este tema. E iso que desgraciadamente nos últimos meses mesmo os grandes medios falaron bastante del… e non por nada bo, como é habitual.

    Estase a falar cada vez máis (aínda que xa dende hai moitos anos) do concepto de Soberanía Alimentaria, que supera ao de Seguridade Alimentaria. Non só hai que ter alimentos de calidade, tamén hai que manter o poder de decisión sobre que e como producir o máis cerca posible das persoas. Pero este concepto de soberanía tamén «invadiu» outros ámbitos, chegándose a falar de Soberanía Enerxética ou mesmo, máis recientemente, de Soberanía Dixital (o concepto de Nube Aberta tal como se está a manexar polas empresas proveedoras de servizos pode ser igual de perxudicial para a Soberanía Dixital como o é o xeito en que se están a manexar os transxénicos para a Soberanía Alimentaria, xa que non é suficiente ter ferramentas «chachis» como facebook, twitter, ou blogger… se logo fan o que queren coa miña información, ou censuran o que lles peta). Para mi, a importancia deste concepto de soberanía, ven dado porque penso que así se está a desenvolver a dimensión das persoas de cidadanía responsable, no sentido de buscar máis espazos de decisión na túa vida ou polo menos que eses espazos estén máis perto e se poida influir máis facilmente neles, aínda que a veces custe tempo… Non se trata de obligar a xente a participar nestas tomas de decisións, pero si de facilitalo aos cidadáns que así o desexen (ao revés da tendencia que se está a dar, que é de concentración en poucas mans das decisións en Alimentación, Enerxía e, se lles deixan, Internete).

    Tampouco pensedes que a cercanía e o local é por definición o mellor. Aquí entra o concepto de Consumo Responsable (aplicable a todos os productos de consumo para o noso día a día). Cada acto de consumo é un acto político e hai que tratar de actuar con responsabilidade e tratar de informarse o máis posible sobre as condicións da produción do ben ou servizo que vaiamos consumir (ir collendo ese hábito, tampouco sen ser un paranoico). Un exemplo que quero denunciar dende aquí…, as casetas do polbo en Lugo, tan típicas de San Froilán que están aínda nestes días. Non todas son iguais…, nalgunhas danse condicións aos empregados de auténtica esclavitude, racionándolles a comida e a bebida, traballando máis de 12 horas diarias, e cos donos gañando un auténtico pastizal que gastan a mans cheas en cousas que quedariades flipaos. Coma me da por dicir nos últimos tempos, hai un mundo de «jet set» e luxo aí fora que eu non son moi consciente de que está. O que está claro é que a alguén se lle saca do lombo! Non tendes máis que falar cos camareiros… Así vai o país!!!  Se queredes saber quen son estes impresentables non teño problema en comentárvolo particularmente.

    Category Cooperación para el Desarrollo (más que un trabajo), Lo que se ve (y se grita) al abrir la ventana | Tags: , | No Comments

  7. Adiviña, adiviñanza

    agosto 23, 2011 by sergio

    1. Onde se fixo esta foto?

    2. Quen é amigo dalgún peixe gordo nesa paisaxe que resume bastante ben gran parte das desgrazas na xestión do territorio en Galicia?

    a) As persoas que promoveron esa casa ahí

    b) Os que promoveron o parque eólico na cresta do monte (que para calquera que teña o máis mínimo sentido da paisaxe cultural debería estar protexido)

    c) Os que queimaron o monte hai uns aniños

    d) O que fixo esta foto

    e) Todos os anteriores

    f) Ningún dos anteriores

    h) Ningunha das anteriores é correcta, ou si, ou eu que carallo sei!!

     

    Category Lo que se ve (y se grita) al abrir la ventana | Tags: , | 2 Comments

  8. Xunqueira de Ambía e a música das esferas

    agosto 17, 2011 by sergio

    Nova visita a un órgano representativo da provincia de Ourense cos amigos de Un rato no tubo, na súa web se poden ver máis datos da visita, onde vencellaron a música, a estrelas e as matemáticas como xa fixera Kepler hai moitos anos. Tivemos concerto «planetario», relación de música e matemática e explicación astronómica da música das esferas (se poden escoitar, ver ou escoitar e ver) con prácticas incluidas gracias a membros dunha asociación de astrónomos de Ourense. Xa estamos esperando a próxima nova experiencia, non vos perdades a súa web para ver cando será…

    Eu quedeime coa magnífica igrexa de Xunqueira de Ambía e o seu entorno, outro lugar recóndito da provincia de Ourense, non lonxe de Allariz.

    Category El rincón musical, Saliendo de A Cova (viajes) | Tags: ,, | No Comments

  9. A cidadanía está na rúa!

    mayo 21, 2011 by sergio

    >De alí vimos, na praza do Obradoiro, e gustoume o que vin. A xente falaba de cousas que non é moi normal oir falar pola rúa, democracia participativa, transparencia, non á corrupción e moitas outras cousas que se ben poden sonar a idealismo, en realidade é o que queremos todos, así que por que non soñar?

    Todos os días ás 12 e ás 20 h, asemblea. As distintas comisións contan as novidades (a de loxística, a de lexislación, a de coordinación, a de comunicación, infraestruturas, etc.). Despois pode falar quen queira. Venres ás 20 votouse non abandonar a praza nin sábado nin domingo.

     Había novos, non tan novos…
    … e novíiiiiiisimos

     Con actividades culturais, música, poesía… O Coro da Rá estivo entre os que amenizaron a xornada
    E pola noite…

    …uns durmen, e outros andan de troula. A xunta electoral declarou ilegal a concentración, pero especificouse que non haberá desaloxo, así que había unha sensación de tranquilidade (se ben os concentrados non están libres de que os podan multar…)

    Category Lo que se ve (y se grita) al abrir la ventana | Tags: , | 3 Comments

  10. Cousas que non pasan de moda…desgraciadamente

    mayo 15, 2011 by sergio

    Ano 1993. Qué pena! O único que está desactualizado desta canción son os 3 millóns de parados, que agora son case 5 (e o de «es delito la insumisión», aínda que segue a ser delito a «insumisión fiscal» ou «obxeción fiscal«, desgraciadamente…). Pero na Cova non hai sillóns!!!!

     

    Category El rincón musical, El sofá de la sala (pensamientos y tertulias...) | Tags: , | No Comments

Older Entries
Newer Entries